Föstudaginn 27. apríl fór 4. bekkur á tónleika með Sinfóníuhljómsveit Íslands í Hörpu. Tónleikarnir báru nafnið „Úti í náttúrunni“. Spiluð voru hin ýmsu verk sem tengjast náttúrunni á einhvern hátt s.s. Vorið eftir Vivaldi, Býfluguna, Kakkalakkann o.fl. Halldóra Geirharðsdóttir var kynnir tónleikanna og leiddi okkur í gegnum hin ýmsu tónverk. Nemendur í Ölduselsskóla voru til fyrirmyndar. Þetta var mjög fróðleg og skemmtileg ferð.

Í lok mars fór 3. bekkur í skemmtilega skoðunarferð í Gerðuberg. Nemendur skoðuðu sýningu Páls á Húsafelli „Glitrar á hjarnið og sýninguna „Þetta vilja börnin sjá“ þar sem myndir úr barnabókum eru til sýnis í andyri Gerðubergs.  Nemendur fóru í ratleik á bókasafninu og hlustuðu á kafla úr bókinni Náttúrugripasafnið eftir Sigrúnu Eldjárn. Nemendur voru mjög ánægðir með ferðina og tóku virkan þátt í öllu boðið var upp á.