Mánudaginn 1. mars þá kom Kristín Vilhjálmsdóttir frá Borgarbókasafninu og lagði inn skemmtilegt verkefni hjá okkur í 2. bekk sem er kallað Fljúgandi teppi. Það gekk út á það að við lærðum um áhugamál, menningu og fleira sem skipti hvern og einn nemanda máli. Hver nemandi fékk síðan nokkra daga til þess að læra hópdans og til þess að undirbúa kynningu sem hann skipulagði sjálfur með aðstoð kennara og aðstandenda sinna. Nemendur komu með hluti, myndir og fleiri minningar að heiman og skreytti hver og einn sitt borð. Föstudaginn 5. mars heldu nemendur síðan fyrsta menningarmótið og buðu þá vini sína velkomna úr árganginum. Mánudaginn 8. mars var síðan aðstandendum og skólastjórnendum boðið að koma á menningarmót. Þetta gekk mjög vel og nemendur stóðu sig með prýði og kynntu efnið sitt stoltir fyrir fullu húsi af gestum.