Nemendur í 5. bekk hafa undanfarna viku gengið í hús og safnað peningum fyrir abc barnahjálp. Verið er að safna fyrir skólahúsi handa götubörnum á Indlandi. Byrjað var á innlögn um aðstæður götubarna og hvaða möguleika við getum gefið þeim með þessari söfnun. Nemendur voru mjög áhugasamir og vildu leggja sitt af mörkum. Íbúar hverfisins hafa tekið nemendum einstaklega vel og hafa söfnunarbaukarnir komið hver af öðrum sneisafullir í skólann. Við viljum þakka nemendum fyrir eljusemi og dugnað og hverfisbúum fyrir frábærar móttökur.

 

Í febrúar fór hópur sem er í náttúrufræði í 5.bekk í heimsókn í Rafheima. Stefán Pálsson tók á móti okkur og byrjaði á skemmtilegri fræðslu um rafmagn þar sem hann fékk nokkra sjálfboðaliða til að aðstoða sig. Því næst fengu nemendur að spreyta sig á nokkrum tilraunum og svo að lokum að skoða sig um á þessu spennandi og skemmtilega safni. Nemendur voru mjög áhugasamir og skólanum til sóma á allan hátt.