Þessa vikuna eru nemendur að læra um einkenni sveppa, gagnsemi sem og skaðsemi þeirra. Sveppir eru til í mörgum stærðum og gerðum. Matarsveppurinn og myglusveppurinn (Penicillium) hafa verið hvað mest áberandi í okkar daglega lífi. Til að geta áttað sig betur á vexti og útliti myglusveppa þá ræktuðu nemendur myglusvepp heimafyrir og komu með til víðsjárgreiningar í skólanum. Nemendur komust m.a. að matvæli með rotvarnarefnum, mygla seinna heldur en matvæli án þeirra. Áferð, litur og gró eru mismunandi eftir því hvaða myglutegund er um að ræða. Annar heimur birtist þegar efni, hlutir og lífverur eru könnuð í víð- og smásjám.
Jens Karl og Jóhanna