Olweusaráætlunin gegn einelti í Ölduselsskóla

 

Olweusaráætlunin gegn einelti er samstarfsverkefni Menntamála-ráðuneytisins, Sambands íslenskra sveitarfélaga, Kennarasambands Íslands og Heimilis og skóla. Áætlunin byggir á kenningum prófessors Dan Olweus sem rannsakað hefur einelti sl. 35 ár og er einna fremstur fræðimanna í heiminum á því sviði. Þegar verkefninu var hrundið af stað á Íslandi haustið 2003 náði það til 43 grunnskóla og skólaskrifstofa en í dag eru um 80 grunnskólar af landinu öllu þátttakendur í verkefninu.

 

Ölduselsskóli er einn þeirra grunnskóla sem tekið hafa þátt í verkefninu frá upphafi. Eineltisteymi skólans stýrir starfinu en í því sitja skólaárið 2009-2010:

 

 

Á yfirstandandi skólaári sinnir Kristín einnig svokölluðu oddvitahlutverki áætlunarinnar þ.e. að bera „aðalábyrgð á skipulagningu og starfsemi í tengslum við áætlunina innan skólans.“

 

HELSTU MARKMIÐ OLWEUSARÁÆTLUNARINNAR eru að draga úr tækifærum til eineltis og skapa þannig andrúmsloft að einelti borgi sig ekki. Áætlunin byggist á fremur fáum meginreglum og miðar að því að endurbæta félagslegt umhverfi í skólanum og að skapa skólaumhverfi (og helst líka umhverfi heima fyrir) sem einkennist af:

 

 

 

Til að vinna að því að þessar meginreglur verði teknar í notkun innan skólans fara af stað ýmsar aðgerðir í skólanum, á heimilum og gagnvart einstaklingum. Helstu markmið aðgerðaáætlunarinnar eru að draga úr tækifærum til eineltis og skapa þannig andrúmsloft að einelti borgi sig ekki.

 

Í áætluninni fá nemendur fá fræðslu um einelti, birtingarform þess og afleiðingar fyrir gerendur og þolendur, lögð er áhersla á bætt eftirlit innan skólans og vitundarvakningu meðal starfsfólks, nemenda og foreldra. Bekkjarreglur gegn einelti gilda í hverjum bekk, haldnir eru bekkjarfundir um samskipti og skólabrag og tekið verður á þeim eineltismálum sem upp koma með skipulögðum hætti með samtölum við gerendur, þolendur og foreldra.

 

Sjá nánar á http://www.olweus.is/